AVANTEBLOG
Neste blog pretendo aprender a manexarme como usuaria e o mesmo tempo ir compartindo recursos e actividades da aula.

O novo disco de Xabier " Coplas para Icia " xunto con Pedro Lamas e Suso Iglesias xá está rematado , chegou ás tendas aló pola segunda semana de Maio . Aqui tedes unha mostra de como vai quedando: Muñeira de Cortellas de Soutomaior

UN SITIO

CULTURA POPULAR DO CONCELLO DE SANDIÁS

A LAGOA DE ANTELA

A lagoa de Antela en 1960. En primeiro termo, a ponte das Poldras. O fondo a estrada de Villacastín a Vigo, actual N-525.

Foi un dos humedais de maior extensión da Península Ibérica, con 7 quilómetros de longo e 6 quilómetros de ancho, aínda que dependendo da época do ano, variaban estas dimensións, así como a súa profundidade. Tiña de profundidade media 0,60 metros e nalgúns “pozos” chegaba ata os 3 metros...........

UNHA MÚSICA

Cuchufellos de Manzaneda!!!, unha banda multicultural con influencias musicais tan diversas coma os seus compoñentes

XXV FESTA DAS LETRAS NO COUTO

Neste mes de maio a Asociación Cultural Monte Branco do Couto (Ponteceso) celebra os seus 25 anos de vida, así como os 25 anos da Festa das Letras e da Feira da Artesanía. Este 25 aniversario suporá o reencontro con todos os creadores e artesáns que pasaron polo Couto durante este cuarto de século.

O colectivo ofrécenos unha ampla e máis que interesante programación, que inclúe actuacións musicais, recitais poéticos, maxia e teatro, entre outras propostas

"A traxectoria de Uxía enmárcase necesariamente na continua percura a que se ten sometido a artista.. A percura dun camiño propio, de novos matices para a súa voz, de textos cos que construir cancións. Percura, por suposto, de culturas e músicas que rachan fronteiras. Neste proceso de consecución dun estilo persoal Uxía, sen embargo, non cesa de atopar polo camiño artistas que se teñen convertido en compañeiros de viaxe e que dan a súa música o sentido que ela sempre ten defendido, que non é outro que ser un elemento de comunicación.a súa voz, de textos cos que construir cancións."

Un ano máis..

Un ano máis, e xa van catro... Festival de Cans!. De novo en maio (xoves 24, venres 25 e sábado 26) e de novo coincidindo co noso colega o Festival de Cannes.

O festival de cine máis festeiro de Galicia volve ao rego cargado de todos os símbolos que o fan tan peculiar: alpendres, galpóns e adegas que se converten en salas, unha tropa de chimpibuses para transportar aos espectadores, alfombras vermellas espalladas polos carreiros, moita música de espírito festeiro e a hospitalidade de sona universal dos veciños e veciñas de Cans.

E o que nunca pode faltar no Festival de Cans: as mellores curtas galegas do último ano, unha selección de luxo con ficción, animación e esas curtas inclasificables que alcumamos como “frikis”. Este ano tamén poderemos ver dúas longametraxes de estrea e por primeira vez unha selección dos mellores videoclips do país. Cans, a outra capital do Cine!

Se es tipo fino, tes un modisto que che fai os traxes a medida, só bebes viños con nome francés e de tapa prefires caviar beluga, quizais aínda queden billetes nalgún cruceiro á Costa Azul. Se che gusta a festa, tes curiosidade polo que fan as novas promesas do audiovisual galego e queres sentir o arrecendo do estrume mentres viaxas en chimpín dende o torreiro ata un cuberto transformado en sala de cine, aquí está o teu sitio. Non o penses máis...

vén ao Festival de Cans

Ramón Caamaño, fotógrafo muxián

"Realismo nesas faces curtidas, nesas expresións nostálxicas e nesas mans inchadas polo esforzo. E ficción neses fondos idealizados que contrastan cunha realidade social menos quimérica."